Góðan dag kæru netverjar.   Af okkur er það helst að frétta að við erum á leiðinni á Nes með 1200 m3 en eitthvað vigtar það nú minna þar sem þessi farmur fer allur í hrognavinnlu eins og sá síðasti,  við lönduðum síðast einnig í hrogn og kom sá farmur með eindæmum vel út eða um 157 tonn af eðal íslenskum loðnuhrognum sem japanir gúffa í sig af mikilli list, enda segja þeir að þetta auki einhverja æðri getu.  Þessi túr gekk að sjálfsögðu vel þó það hafi verið drulluveður á miðunum skammt vestur af Akranesi,  en uppúr 08:23 blés Kapeinn Gísli í lúðra,  tókum við 4 köst og fram að myrkri og lögðum af stað í land í gærkvöldi.  Erum við staddir í þessum töluðu orðum í skítaveðri við Ingólfshöfða og verðum væntanlegir um miðja nótt á Neskaupsstað. 
Í fyrramálið ætlum við að freysta þess að ræsa út fulltrúa sýslumanns til að kjósa um þetta blessaða Icesave kjatæði og verður það þvert NEI að mér heyrist.  Skelli inn mynd af okkur sem Guðmundur St. Valdimarsson tók af okkur á útleiðinni síðast.(blogcentral.is/skipperinn)  Við höfum sett inn nýja tengla sem er sjóbloggarar  en það eru áhugamenn um ljósmyndir af skipum og efni tengt sjómennsku og verður fleirum bætt við á næstunni.  Þar til næst kv Strákarnir..

Ruggar.

Jón Kjartansson að draga nótina í kalsa veðri.

Góðan dag gott fólk.  Af okkur er það helst að frétta að við erum á útleið og erum í þessum töluðu orðum staddir við Kötlutanga í fjárans sandroki.  Allt er á rólegu nótunum hér um borð þó að það sé háloðnuvertíð,  vorum við ekki nema 41 tíma að landa síðast þessum 876 tonnum sem við vorum með til frystingar á Nes.   Eitthvað virðist vera til að þessari loðnu og erum við búnir að sjá loðnu með mest allri suðurströndinni, t.d kastaði Hákon EA rétt vestan við Ingólfshöfða í gær og fékk 400 tonna afla af nokkuð vænni loðnu.  Í þessari inniveru þá fundu menn sér sitthvað til dundurs , og skelltum við okkur þrír saman á skíði upp í Oddskarð í eindæma veðurblíðu og verð ég að segja að það svæði kom allverulega á óvart , en það var allveg frábært nema að þeir loka kl 16:00 á laugardegi sem við skiljum ekki, eitthvað voru menn hræddir við að sumir færu á skíði eftir 14-15 ára hlé og töluðu um að við myndum enda inni á spítala en það var miskilningur .   En svo er nú bara að vona að við förum að fá viðbót við loðnuna.

Eins og sjá má var eindæma veðurblíða og útsýnið frábært,, og var mál manna hvað við vorum vel til fara.

Hér sést upp í fjallið.
Þar til næst kv .

Er eitthvað að frétta ,, jú það er bara allt ljómandi gott að frétta hér um borð.  Við erum nú í þessum töluðu orðum á leiðinni til Neskaupsstaðar með skammtinn okkar af loðnu til frystingar og er þetta mjög stór og falleg loðna eða um 39 stk í kg beint úr nót. Þessi veiðiferð gekk ljómandi vel við köstuðum fyrst í gær við Selvog  til að taka fyrri skammt og gáfum Hákon restina eða 120 tonn, og svo aftur í dag við Krísuvíkurbjarg til að taka seinni skammt og gáfum Vilhelm restina eða rúm 400 tonn en við erum með eitthvað um 850 tonn.  Það sem er sérstakt við þessa vertíð er að það er allt frekar rólegt yfir þessu á miðunum lítið af skipum og engin æsingur því allir eru eingöngu að veiða til frystingar, því þurfum við að haga veiðum eftir því til að koma ekki með gamlan fisk í land.  Er þetta talsverð lóðning á ferðinni og er það mál manna að það hafi bæst við hana síðan við byrjuðum að elta hana vestureftir.  Svo er loðna rétt austan við Ingólfshöfða og einnig fyrir austan land og bindum við MIKLAR vonir við að það verði bætt einhverju við. Norðmennirnir voru ekki lengi að fiska sinn kvóta , en þeir voru að fá upp í 500 tonn köst austur af landinu í síðustu viku.


Gísli P,, Keli,, Gummi granni.

verið að dæla yfir í Vilhelm EA

Jón Gunnar að innbyrða bensín, kaffi og kex.

Kv að sinni.

Góðan dag kæru netverjar.   Af okkur er allt gott að frétta, við skelltum okkur eins og fyrr sagði á loðnu, og erum nú á landleið eftir að að hafa fyllt kælinguna í stálmagann á þeim gula. Þessi túr gekk ekki reyndra áfallalaus fyrir sig því í fyrsta kastinu skelltu 2 hvalir sér inni í nótahringinn og neituðu að fara út allveg sama hvað við báðum þá vel, enda mikill matur þar inni, en þeir skelltu sér bara í gegnum netið og rifu nótina fyrir okkur og misstum við það kast. Svo þegar búið var að gera við þá var kominn bræla og biðum við í rúman sólahring þangað til kaptein Gísla fannst  veðrið þokkalegt og tókum við 3 köst sem reyndist nóg til að fylla stálmagann  og er það mál manna að þetta sé óvenju stór og falleg loðnu hér á ferð og erum við á leiðinni til Neskaupsstaðar og verða væntanlega fagnaðrfundir þegar við mætum í frystihúsið.  Svo að öðru þá er annar vélstjórinn okkar fimmtugur í dag hann Jón Erlingsson, hann er búinn að vera hér með okkur síðan 1998 , þannig að þetta er 12 árið hans hér, þá var hann stuttu áður kominn heim frá Chile þar sem hann bjó og starfaði í nokkur ár, enda skildum við ekkert hvað hann sagði fyrstu tvö árin.  En hann er reyndar flúinn land aftur því hann er nýfluttur til Danmerkur og því talar hann bara dönsku við okkur núna, enda að æfa sig .  Og óskum við honum til innilega til hamingju með daginn..

Þarna er hann í hamingju vímu með páskeggið sitt og létt roka með.